منتدى مستشفيات ميت غمر

منتدي مستشفيات ميت غمر .. أطباء وممرضات وعاملين ومتخصصين ومسئولين بالمستشفيات وأهل ميت غمر وقرى ميت غمر وما حولها
 
الرئيسيةمكتبة الصورس .و .جبحـثالأعضاءالمجموعاتالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
»  منتدى مستشفيات ميت غمر :: المنتديات الاسلامية :: منتدى نصائح المتزوجين
الإثنين فبراير 08, 2016 11:54 pm من طرف 77محمد

» جامعة المدينة العالمية
السبت يناير 16, 2016 5:14 pm من طرف managoo

» جامعة المدينة العالمية
السبت يناير 16, 2016 5:14 pm من طرف managoo

» جامعة المدينة العالمية
السبت يناير 16, 2016 5:13 pm من طرف managoo

» جامعة المدينة العالمية
السبت يناير 16, 2016 5:13 pm من طرف managoo

» جامعة المدينة العالمية
السبت يناير 16, 2016 5:12 pm من طرف managoo

» جامعة المدينة العالمية
السبت يناير 16, 2016 5:12 pm من طرف managoo

» جامعة المدينة العالمية
السبت يناير 16, 2016 5:12 pm من طرف managoo

» جامعة المدينة العالمية
السبت يناير 16, 2016 5:12 pm من طرف managoo

ازرار التصفُّح
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني

شاطر | 
 

 بعيدا عن ضلمة العالم

اذهب الى الأسفل 
كاتب الموضوعرسالة
طبيب غزة
أحباب المنتدى
avatar

ذكر عدد الرسائل : 124
العمر : 32
العمل/الترفيه : طبيب
تاريخ التسجيل : 19/03/2009

مُساهمةموضوع: بعيدا عن ضلمة العالم   السبت مايو 30, 2009 8:43 am

فى قلب النور أنام وأصحى

وبرضه الصوره مش واضحه

تشق عيونى قلب الليل

تدور عن شعاع فرحه

بعيد عن ضلمة العالم

بفتش عن بواقى الحلم

دروب العتمه تسرقنى

تضيع عمرى ظلم فْ ظلم

وفى السكه ..

لقيت الأرض بتلملم خضار توبها

وفوق التوب لقيت بصمة إيدين جارحه

سنابل قمح مش طارحه

وجوا الهيش كلاب سارحه

تفتش عن بواقى الحلم

تقطع لحمنا الميت

وتنهش فينا ظلم فى ظلم

***

ولسه العتمه واخدانى

وبين الحيره والتوهه

خطاوى الضلمه معتوهه

ولا بتخلص يا مشوارنا

ولا بنخطى أسوارنا

ولو نلمح طريق راحه

نلاقى السكه مشبوهه

ونرجع نمشى فى العتمه

ونفس الحلم هو الحلم

تضيع منا سنين تانى

يشيب العمر ظلم فى ظلم

***

لمحت شعاع بيتسرسب

مشيت وياه ..

لقيت مركب

فى قلب البحر

فاردالى قلوع الحلم

بتْصَفَّر خلاص ماشيه

وبتودع موانى الظلم

نسيت نفسى

رميت نفسى

لقيت نفسى

فى حضن البحر

وصوت الغربه جوايا

بيصرخ .. يبكى ويايا

سنين العمر

وابص ورايا واتحسر

على العمر إللى متكسر

على الحلم إللى عشته سنين

ولا إتحقق ولا إتفسر

وقلت انسى

لقيت فجأه إيدين أقسى

بترمينى فى قلب البحر

أصارع موج واحارب صخر

ولسه كتير على المرسى

قالولى لو وصلت لشط

" لو يعنى "

محدش مننا قابلك ولا شافك

وإيدك هى مجدافك

وخد حلمك على كتافك

ضربت البحر

بس البحر كان قاسى

كسر إيدى

ندهت بعزم أنفاسى

خنق صوتى

حضنت الروح بإحساسى

سحب روحى

ونبض الحلم بيعافر

ومش قادر

وسلِّمنا

ومات حلمى .. ومُت أنا فيه

وبغرق بس عينى عليه

وسامع صوت بيندهنى ..

بعيد لكن كإنه قريب

أنا عارفُه

ده صوت أمى

على روحى بيتشاهد

وبيسَمِّى

وبيبارك نزيف دمى

وصوتها يبقى آخر صوت

وبعده سكوت ....!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
بعيدا عن ضلمة العالم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى مستشفيات ميت غمر :: المنتديات الترفيهية :: كلمات من القلب-
انتقل الى: